Yeni Azərbaycan Partiyasının (YAP) VII qurultayı keçirilib.
Prezident İlham Əliyev yenidən Yeni Azərbaycan Partiyasının (YAP) sədri seçilib.
Bu barədə YAP-ın bu gün keçirilən qurultayında qərar qəbul edilib.
Qurultayda həmçinin YAP-ın Siyasi Şurası ləğv olunub.
Qurultayda Veteranlar Şurası yaradılıb.
Şuraya 35 nəfər üzv seçilib.
Sədr isə qocaman YAP-çı Arif Rəhimzadə olub. Əvvəlki İdarə Heyətindən və Siyasi Şuradan uzaqlaşdırılan yaşlı YAP-çılar Veteranlar Şurasında cəmlənib.
Bundan əlavə, yeni İdarə Heyəti yaradılaraq 40 nəfər üzv seçilib. Yeni İdarə Heyətinin tərkibi əsasən, YAP-ı Milli Məclisdə təmsil edən şəxslərdən formalaşdırılıb.
Qurumun Siyasi Şurası buraxılıb və yeni Nəzarət Təftiş Komissiyası yaradılıb.
Komissiyanın tərkibi 35 nəfərdən ibarət olacaq.
