Xalq artisti Arif Quliyev vəfat edib.
Bineqedi.info xəbər verir ki, bu barədə APA-ya aktyorun oğlu Rövşən Quliyev məlumat verib.
Qeyd edək ki, bir müddət əvvəl koronavirusa (COVID-19) yoluxan Xalq artisti “Yeni Klinika”da müalicə olunurdu.
Qeyd edək ki, Arif Quliyev 1950-ci ildə Əli-Bayramlıda (indiki Şirvan) anadan olub.
Onun “Şans”, “Bığ əhvalatı”, “Qaynana”, “Lift əhvalatı”, “Yarım ştat”, “Evləri köndələn yar” və başqa teletamaşalarda oynadığı rollar tamaşaçıların rəğbətini qazanmışdı. Bundan başqa, aktyor “Bəyin oğurlanması”, “Yaramaz”, “Bəxt üzüyü”, “O dünyadan salam”, “Qəm pəncərəsi”, “Mənim ağ şəhərim”, “Alma almaya bənzər”, “Ağ gəmi” kimi bədii filmlərdə canlandırdığı obrazlarla yadda qalmışdı.
Arif Quliyev 1993-cü ildə Xalq artisti fəxri adına layiq görülmüşdü.
Allah rəhmət eləsin!
