Şəhid gizir İbrahim Sadıqlının ad günü münasibətilə xatirəsinin yad olunması məqsədilə məzarı ziyarət olunub.
Bineqedi.info saytı xəbər verir ki, mərasimdə şəhidin ailə üzvləri, Binəqədi Rayon İcra Hakimiyyəti başçısının müavini Sevinc Süleymanova, YAP Binəqədi Rayon Təşkilatının sədri Vüsar İsmayılov, Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini Elnur Məmmədov, Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Füzuli Mehrabzadə, Binəqədi Rayon Gənclər və İdman İdarəsinin rəisi Namiq Tarverdiyev, “Binəqədi Gənclər Evi” sosial xidmət müəssisəsinin direktoru Günel Həsənova və gənclər iştirak ediblər.
İ. Sadıqlı 44 günlük Vətən müharibəsində oktyabrın 3-də şəhadətə yüksəlib. II Fəxri Xiyabanda dəfn edilib.
Azərbaycan Prezidenti İlham Əliyevin Sərəncamına əsasən, şəhid gizir İbrahim Şahin oğlu Sadıqlı “Qarabağ” ordeni, “Vətən uğrunda”, “Cəbrayılın azad olunmasına görə”, “Füzulinin azad olunmasına görə” medalları ilə təltif edilib.
Bineqedi.info
