Binəqədi rayonunda “Yay Sezonu” təcrübə proqramına start verilib.
Bineqedi.info saytına verilən məlumata görə, Binəqədi Gənclər Evində layihənin iştirakçıları ilə tanışlıq görüşü keçirilib. Görüşdə Binəqədi Gənclər Evinin direktoru Günel Həsənova, əməkdaşları və Binəqədi Rayon Gənclər və İdman İdarəsinin əməkdaşı Səadət Quliyeva iştirak edib. Öncə gənclərə keçirilən layihələr və fəaliyyətlərlə bağlı məlumat verilib. Daha sonra Binəqədi Gənclər Evinin əməkdaşı Fidan Həsənli tərəfindən infotur keçirili.
Qeyd edək ki, layihə Azərbaycan Respublikası Gənclər və İdman Nazirliyinin tərəfdaşlığı, Binəqədi Rayon Gənclər və İdman İdarəsi və Binəqədi Gənclər Evinin birgə təşkilatçılığı ilə iyul-avqust aylarında keçirilir.
Bir-birindən maraqlı fəaliyyətləri ilə keçiriləcək layihənin ilk oyunu “Kahoot” intellektual oyunu olacaq! Əgər siz də maraqlı və əyləncəli vaxt keçirmək istəyirsinizsə, o zaman siz də iştirak edə bilərsiniz.
Bundan əlavə, layihənin ilk təlim-seminarı “Şəxslərarası münasibət mövzusunda” təlimçi Nərmin İsmayılova tərəfindən keçiriləcək.
Bineqedi.info
