Binəqədidə avtobusda cibgirlik edən şəxslər saxlanılıblar

0
111
avtobus-piyada-qeza

İctimai nəqliyyatda cibgirliklə məşğul olan şəxslər polis əməkdaşları tərəfindən saxlanılıblar.

Bineqedi.com xəbər verir ki, bu barədə Daxili İşlər Nazirliyindən məlumat verilib.

Belə ki, paytaxtın Binəqədi rayonu ərazisində marşrut avtobuslarında iki nəfərin içərisində pul, bank kartları və sənəd olan pulqabılarının qeyri-aşkar şəraitdə oğurlanması, sonradan onlardan birinin bank kartı ilə 290 manat dəyərində alış-veriş olunması barədə polisə məlumatlar daxil olub.

Bakı Şəhər Baş Polis İdarəsinin Cinayət Axtarışı İdarəsi əməkdaşlarının keçirdikləri əməliyyat tədbirləri nəticəsində oğurluq əməllərini törətməkdə şübhəli bilinən Bakı şəhər sakinləri Rüfət Əliyev və Rəşid Ağayev müəyyən olunaraq saxlanılıblar.

Faktla bağlı araşdırma aparılır.

Bineqedi.com

Əvvəlki məqalə“Yatırım” adı altında yüzdən artıq insana 200 min manat ziyan vuran şəxs həbs edilib
Növbəti məqalədəZəngəzur dəhlizi məsələsində Azərbaycan-Rusiya razılaşması: İrəvanın qara günləri qabaqdadır – ŞƏRH