Binəqədi rayonu, Biləcəri qəsəbəsi ərazisindən Ş. Məmmədova məxsus KİA markalı avtomobil qaçırılıb.
Bineqedi.com xəbər verir ki, Daxili İşlər Nazirliyindən verilən məlumata görə, Binəqədi rayon Polis İdarəsi 6-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Bakı şəhər sakini Q. Əliyeva Suraxanı rayonu, Bülbülə qəsəbəsi ərazisində avtomobillə birgə saxlanılıb.
Binəqədidə restorandan da oğurluq edilib. Belə ki, M. Ə. Rəsulzadə qəsəbəsində yerləşən restorandan 35000 manatlıq oğurluq edilib.
Bu barədə Daxili İşlər Nazirliyinin (DİN) Mətbuat Xidməti məlumat yayıb.
Bildirilib ki, Binəqədi Rayon Polis İdarəsinin 4-cü Polis Şöbəsi əməkdaşlarının keçirdikləri əməliyyat tədbiri nəticəsində M.Ə.Rəsulzadə qəsəbəsində yerləşən, fəaliyyət göstərməyən bir restorandan 35 000 manat dəyərində 2 ədəd kondisioner, 32 ədəd qapı, 33 ədəd pəncərə, xalça və elektrik naqili oğurlamaqda şübhəli bilinən Yevlax rayon sakinləri M. Bədirov və M. Əmiraslanov müəyyən olunaraq saxlanılıblar.
Bineqedi.com
